Әлеуметтік саясаттың жаңа принциптері

Атырауда облыс жастарының алғашқы құжаты құрылды

Атырауда жастардың құжатын құру мақсатында жүргізілген әлеуметтік сауалнамаға 14-29 жас аралығындағы 1 мың қала тұрғыны қатысты. Сауалнама Атырау қаласынан бөлек аудандарда да жасалды, деп хабарлайды облыс әкімдігінің баспасөз қызметі.
Атырау06 Қаңтар , 10:27

«Мұндай «құжат» жастарымызда қандай мәселелер бар екенін анықтауға көмек береді. Олардың отбасын ұғымына, дінге, мемлекеттің әлеуметтік-экономикалық саясатына деген көзқарастары ескеріледі. Осы арқылы жастар арасындағы күн тәртібіндегі мәселелер шешілмек», - дейді облыстың жастар саясаты басқармасының жетекшісі Мейірім Қалауи.

Айта кету керек, «жастар құжаты» өңірде алғаш рет қолға алынды, енді жыл сайын жаңартып отырылатын болады.

Қазіргі таңда облыста 14-29 жас аралығындағы 157 мың адам бар. Соның ішінде 76 мыңы Атыраудың өз басында болса, қалған 81 мыңы аудандарда тұрады.

 




Яндекс.Метрика