Инфрақұрылымның дамуы

Астанадағы апатты тұрғын үйлердің тұрғындары үшін 1386 пәтер салынады

2017-2022 жылдар аралығында Астана қаласында апатты үйлерді бұзу бойынша пилоттық жобаны іске асыру шеңберінде 635 мың м2 тұрғын үй пайдалануға беріледі, бұл - 10 000-нан астам пәтер.
Нұр-Сұлтан18 Қараша , 14:51

«Апатты үйлердің иелерін көшіру үшін тапсырылатын үйлердің жалпы көлемінен ауданы 63мың м2 болатын 1 386 пәтерді ақысыз негізде коммуналдық меншікке өткізу жоспарланған. Еркін нарықта ауданы 408 мың м2 болатын 8 010 пәтерді сату есебінен пилоттық жобаны қайта инвестициялау жоспарланып отыр», - деп хабарланады Астана қаласы әкімдігінің ресми сайтында.

2017 жылдың соңына дейін елорданың тұрғын үй басқармасы апатты және ескі үйлерді бұзу бойынша пилоттық жобаны іске асыру шеңберінде 111 үй құрылысын бұзуды жоспарлап отыр.

2013 жылдан 2017 жылға дейін салынған мерзімі 1940 - 1970 жылдар аралығына жататын, негізгі құрылыс конструкциялары мен инженерлік желілерінің тозу пайызы жоғары 228 апатты үй құрылысын (3 367 пәтер) бұзу жоспарланған. Бұл - онда тұрып жатқан адамдардың өміріне және денсаулығына қауіп төндіретін үйлер.

Бүгінгі күні 117 апатты үйдің (1 555 пәтер) тұрғындары жайлы пәтерлерге көшірілді.

Қалған 111 апатты үйдің тұрғындары жоспарлы көшіру мерзімдері туралы ақпараттандырылды, оларды көшіру жұмыстары 2017 жылдың соңына дейін жүргізіледі. 




Яндекс.Метрика