Білім беру

Астана әкімі білім беру саласының қызметкерлеріне тамыз кеңесін өткізеді

Ертең Астанада қала әкімі Иманғали Тасмағамбетовтың қатысуымен «Білім берудің инновациялық стратегиясы – қаланың, қоғам мен жеке тұлғалардың тұрақты даму факторы» тақырыбында білім беру қызметкерлерінің тамыз кеңесінің қалалық пленарлы отырысы өтеді, деп хабарлайды қала әкімдігінің баспасөз қызметі.
Нұр-Сұлтан20 Тамыз , 17:41

Сонымен қатар, бұл күні тамыз конферециясын өткізу аясында сағат 15:00-де М.Өтемісов атындағы Оқушылар сарайында IX жыл сайынғы «Жұлдызды шашу» педагогтер фестивалі өтеді. Онда Астана қаласы оқыту ұйымдарының үздік деген қызметкерлеріне ҚР Білім және ғылым министрлігінің, Астана қаласы әкімдігінің алғыс хаттары мен мақтау қағаздары табысталып, 2013-2014 оқу жылының Спартакиадасы мен «Дидарлы жаз» спорт алаңының қорытындысы шығарылады.

Мерекенің шарықтау шегі ретінде «Астана қаласы білім беру жүйесінің алтын қоры» елордалық білім беру мекемесінің үздік ұстаздарын салтанатты марапаттау рәсімі ұйымдастырылмақ.




Яндекс.Метрика